АҚШ-тың бұрынғы президенті Дональд Трамп UFC YouTube арнасына берген эксклюзивті сұхбатында боксшы Геннадий Головкинмен таныстығы туралы айтты, деп хабарлайды “Адырна” ұлттық порталы.
Трамптың айтуынша, GGG өзінің харизмасымен көпшіліктен ерекшеленді. Сондай-ақ Ақ үйдің экс-басшысы төбелестердің бірінде судьялар «қазақстандықты тонап кетті» деп есептейді.
"Мен сізді Геннадий Головкиннің Сауль Альвареске қарсы жекпе-жегінде көрдім. Осындай төрешіліктің кесірінен мен енді бокс көргім келмейді. Нашар төреші боксқа зиян деп ойлайсыз ба?", - деп YouTube шоудың жүргізушісі Джим Нортон Трампқа сұрақ қойды.
Дональд Трамп өз жауабын қазақстандық боксшымен алғашқы кездесуіндегі естеліктерден бастады.
«Мен ол кезде Мар-а-Лагода болдым (Флоридадағы Дональд Трамптың жеке резиденциясында). Ол жерде өте сымбатты, бірақ бұлшықетті емес адамдар тұрады. Олардың арасында GGG есімді жігіт те бар. Мен ол туралы ол кезде естіген емеспін. Мен оның боксшы екенін бірден білдім. Ол келіп: «Менің атым Головкин, GGG. Мен Мэдисон Сквер Гарденде жекпе-жек өткіземін», - деді ол.
Трамп кездесу кезінде Triple G әлі өте жас екенін айта кетті.
"Бірақ ол керемет еді. Ол басқалардан әлдеқайда үздік болды. Мен оның чемпион болғанын көрдім. Бірақ бірде онымен жекпе-жек болды... Кімге қарсы екені маңызды емес. Айтқым келмейді. Оны тонап кетті. Ол белгілі бір жекпе-жекте үстемдік етіп, өз пайдасына шешім шығарған жоқ. Бұл менің жүрегімді ауыртады. Ол да сол кезде жараланған. Бұл жігіт керемет күрескер еді», - деп түйіндеді Дональд Трамп.
Еске салайық, 41 жастағы Головкин өткен жылдың қыркүйек айынан бері – мексикалық Сауль Канело Альвареспен (59-2-2, 39 КО) трилогиядан кейін рингке шықпаған болатын. Ол биыл орта салмақтағы WBA Super, IBF және IBO титулдарын босатты.
