Shymkentte 3 jasar bala tórtinshi qabattan qulap ketti. Bul týraly tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Aqparatqa sáıke, Saıram shaǵyn aýdanynda ata-anasynyń qaraýynsyz qalǵan úsh jasar búldirshin 4-qabattan qulap ketken.
Qazir búldirshin Shymkent qalasyndaǵy oblystyq klınıkalyq balalar aýrýhanasyna jatqyzyldy. Jaǵdaıy aýyr. Oǵan mıdyń shaıqalýy, jilinshiktiń jabyq synýy, ishtiń doǵal jaraqaty dıagnozy qoıylyp otyr.
Aldyn ala boljam boıynsha, bala moskıt toryna súıenip, sonymen birge qulap ketken. Osy ýaqytta anasy basqa bólmede bolǵan. Qurmetti ata-analar, balalaryńyzdy qaraýsyz qaldyrmańyzdar, – delingen tótenshe jaǵdaılar departamentiniń habarlamasynda.
