Tótenshe jaǵdaılar mınıstrligi elektromobılderdi zarıadtaý stanııalaryna qoıylatyn talaptardy ázirledi, - dep habarlaıdy "Adyrna" tilshisi Tótenshe jaǵdaılar mınıstrliginiń baspasóz qyzmetine silteme jasap.
Vedomstvo elektr kólikteri men olardy zarıadtaý stanııalaryn qaýipsiz paıdalaný máselelerin sheshý boıynsha jumys júrgizilip jatqanyn habarlady. Azamattyq qorǵaý salasyndaǵy qoldanystaǵy zańnamaǵa sáıkes, mınıstrlikte elektr kólikterine arnalǵan elektr zarıadtaǵyshtaryn basqarýǵa ruqsat berý qarastyrylmaǵan. Vedomstvo atap ótkendeı, qazirgi ýaqytta elimizde elektr kólikterine arnalǵan elektr zarıadtaǵyshtarynyń qaýipsiz jumys isteýin anyqtaıtyn talaptar joq.
Tótenshe jaǵdaılar mınıstrligi elektromobılder men zarıadtaý stanııalaryn (AQSh, Kanada, Meksıka, Nıderlandy, Shveıarııa, Germanııa, Ulybrıtanııa jáne Reseı) paıdalaný boıynsha shet elderdiń tájirıbesin zerttedi.
Mınıstrlik Reseı men Norvegııa tájirıbesine súıene otyryp, elektr kólikteri men olardy zarıadtaý stanııalaryna qoıylatyn talaptardy ázirlep, qurylys normalaryna engizý úshin Indýstrııa jáne qurylys mınıstrligine jiberdi. Sonymen qatar, Syrtqy ister mınıstrligine Qytaı men Túrkııadan elektr kólikteri men olardy zarıadtaý stanııalaryn turaqtarǵa ornalastyrý boıynsha normatıvtik talaptardy alý týraly suranys jiberildi.
Ǵabdýllın atyndaǵy Azamattyq qorǵanys akademııasynda lıtıı-ıondyq akkýmýlıatorlardyń quramyn, olardyń ádisteri men órt sóndirý tásilderin baqylaý boıynsha zertteýler júrgizilýde. Sondaı-aq Tótenshe jaǵdaılar mınıstrligi Saýda jáne ıntegraııa mınıstrligine elektromobılder men olardy zarıadtaý stanııalaryna qatysty tıisti standarttardy qabyldaý qajettigi týraly usynys joldady.
«Osy baǵyttaǵy jumystar belsendi júrgizilýde, jaqyn arada memlekettik organdar Qazaqstan Respýblıkasynyń normatıvtik quqyqtyq aktilerine jáne normatıvtik-tehnıkalyq qujattamalaryna barlyq qajetti túzetýlerdi, sonyń ishinde Órt qaýipsizdigi qaǵıdalaryna keıingi ózgerister men tolyqtyrýlardy engizedi, », - dep habarlady mınıstrlik.
Eske sala keteıik, buǵan deıin tótenshe jaǵdaılar mınıstrligi jabyq turaqtarda kólikterge akkýmýlıator qýattaǵyshtaryn ornatýǵa tyıym salynǵanyn málimdegen bolatyn.
