Алматыда үш жігіт бір қызды жабылып зорлады деген күдікке ілінді, - деп хабарлайды "Адырна" ұлттық порталы.
Egov.Press тelegram арнасының хабарлауынша, жігіттер ойын-сауық мекемесінде 20 жастағы қыздың алкогольдік ішімдігіне бірдеңе салып, кейін оны ұрлап әкетіп, жабылып зорлаған.
Пост авторлары қазір бұл жігіттер жәбірленушіге істі «жабу» үшін ақша ұсынып жатқанын айтты.
Алматы полиция департаменті хабарлағандай, бұл дерек Қылмыстық кодекстің 120-бабы 2-бөлігі 1-тармағында көзделген «Адамдар тобы, алдын ала сөз байласу арқылы адамдар тобы жасаған зорлық» қылмыстық құқық бұзушылық белгілері бойынша Алмалы аудандық полиция бөлімінде тіркелді”.
"Алғашқы жедел-іздестіру шаралары барысында күдіктілер анықталып, ұсталды. Тиісті сараптамалар тағайындалды, оның ішінде жәбірленушінің оның алкогольдік ішімдігіне белгісіз зат қосылғаны туралы уәждері қаралды", - деп хабарлады полиция.
Жәбірленушіге ұсынылған ақшаға келетін болсақ, полиция «құқық бұзушылықпен келтірілген зиянды өтеу ниеті тараптардың еркін білдіру болып табылады және қылмыстық процесс органының ғимаратынан тыс жерде орын алады» деп мәлімдеді.
«Талап қоюдың жоқтығы туралы мәлімдеменің болуы жазаны жеңілдететін мән-жайлар болуы мүмкін, бірақ қылмыстық қудалауды тоқтатуға негіз бола алмайды», - деп қосты Алматы полициясы.
