Tesla өзінің адам тәріздес гуманоидты роботының жаңа буыны "Optimus Gen 2"-ді таныстырды, деп хабарлайды "Адырна" тілшісі.
Optimus Gen 2 деп аталатын робот адам өміріне қауіпті тапсырмаларды орындай алады.
Жаңа прототип бұрынғы нұсқасына қарағанда 30%-ға жылдамырақ жүре алады. Оның салмағы 10 кг-ға жеңілдеген.
Optimus Gen 2 қолдарымен еркін қимылдап, тіпті әуенге билей алатыны көрсетілген.
Роботтың басты артықшылығы - оның саусақтары. Ол саусақтары арқылы тіпті жұмыртқа сынды ең кішкентай әрі нәзік заттарды да сындырмай ұстай алады.
Осыдан кейін Tesla гуманоидты роботтарды оқыту үшін арнайы қызметкерлерді жалдамақ.