Ақтөбе облысының полиция департаменті «Ресей үшін Украина қарсы соғысуға дайынбыз» деп мәлімдеме жасаған ерлі-зайыптылармен әңгімелесті, деп хабарлайды «Адырна» тілшісі ҚазТАГ-қа сілтеме жасап.
«Аталған факті бойынша Ақтөбе қаласының тұрғындары анықталып, полиция бөліміне шақырылды. Олармен алдағы уақытта осы тақырыпта арандатушылық сипаттағы мәлімдемелерге жол бермеу жөнінде профилактикалық әңгімелесу жүргізілді», - деді полиция департаментінің баспасөз қызметі.
Еске салайық, бұған дейін ерлі-зайыптылар Ресей үшін соғысуға дайын екенін айтып, Кеңес Одағын қайта құру идеясын қолдайтынын жеткізген еді.