Búgingi ótken sot otyrysynda Sherzat Polattyń qaza tabýyna baılanysty tyń málimetter jarııalandy, dep habarlaıdy “Adyrna” ulttyq portaly.
Prokýrordyń málimetinshe, oqıǵa ornynda bolǵan tóbeles kezinde kúdiktilerdiń biri dúken ishinen shyqqan Sherzattyń ákesi Qarjaýbaı Nurymovty áınek bótelkemen betten urǵan. Odan bólek, Azamat Toqtaýbaev Nurymovtyń jelke tusynan belgisiz taspen soqqy jasaǵany aıtyldy.
Sotta aıtylǵan taǵy bir jantúrshigerlik jaıt — Sherzattyń ájesi “Qamajaı” dúkenine bara jatqanda, aldynan shyqqan Shynasyl esimdi azamat ony ıterip jiberip, aryqqa qulatqan. Al jolda otyrǵan Sherzatqa jetpek bolǵan anasyn Ilııas pen Shynasyl toqtatyp, eki bileginen ustap, ótkizbeı qoıǵan. Anasynyń bilekterinde kógergen izder qalǵany sot-medıınalyq saraptamamen dáleldengen.
