Qazaqstanda suıytylǵan gaz ben bolat daıyndamalaryn eksporttaýǵa salynǵan tyıym uzartyldy, dep habarlaıdy "Adyrna" ulttyq portaly.
Bul týraly Úkimette ótken syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııa otyrysynan keıin belgili boldy.
Qazaqstan Respýblıkasynyń Saýda jáne ıntegraııa mınıstrliginiń baspasóz qyzmeti túsindirgendeı, buǵan deıin suıytylǵan munaı gazyn shekaralas elderge zańsyz shyǵarýdyń aldyn alý jáne ishki naryqtaǵy tapshylyqtyń bolmaýyn qamtamasyz etý maqsatynda eksportqa tyıym salynǵan edi.
Sonymen qatar, elden bolat daıyndamalary men jartylaı fabrıkattardy shyǵarýǵa qoıylǵan tyıym taǵy alty aıǵa uzartyldy. Saýda mınıstrligi buryn engizilgen shekteýlerdiń oń nátıjesi retinde metallýrgııa ónerkásibinde tereń óńdeýge baǵyttalý artqanyn jáne armatýra eksportynyń kólemi shamamen 30 myń tonnaǵa kóbeıgenin atap ótti.
Budan bólek, Eýrazııalyq ekonomıkalyq odaqqa kirmeıtin elderden Qazaqstanǵa gıpsokarton men tas ónimderin ákelýge úsh aılyq tyıym salý usynysy qoldaý tapty.
"2024 jyly Qazaqstanda 95,2 myń tonna brýschatka óndirilip, ishki tutyný kólemi 58,76 myń tonnany qurady. Al gıpsokarton 35,5 mıllıon sharshy metr óndirilip, el ishindegi suranys 38,8 mıllıon sharshy metrge jetti. Sonymen birge, otandyq kásiporyndardyń óndiristik qýattylyǵy 46 mıllıon sharshy metrdi quraıdy. Qazaqstandyq gıpsokarton men tas ónimderin óndirýshiler osy ónim túrleriniń baǵasyn saqtaýǵa mindetteme aldy", – dep túsindirdi Saýda mınıstrligi.
Buǵan deıin Qazaqstannyń suıytylǵan gaz ben propandy elden shyǵarýǵa tyıymdy 2025 jylǵy 14 mamyrdan bastap uzartatyny týraly habarlanǵan bolatyn. Tıisti buıryq jobasy "Ashyq NQA" portalynda jarııalanǵan.
