Túrik baýyrlarymyz áleýmettik jelilerde «Qazaqstandy qoldaý» akııasyn bastady. Iýtýb arnasynda arnaıy beıne rolık túsirgen baýyrlarymyz «Qazaqstannan qolyńdy tart Reseı!» dep urandatty dep habarlaıdy «Adyrna» ulttyq portaly Oǵyz Doǵannyń arnasyna silteme jasap.
«Qazaqstan jalǵyz emes» degen túrik jastary Reseı tarapynan jasalyp otyrǵan saıası áreketterge qarsylyq tanytýda. Esterińizge salyp óteıik, ótken aptada reseılik birneshe sheneýnik «Qazaqstanǵa jerdi orystar syılaǵan» degen pikir bildirip, qazaq qoǵamyn shýlatqan-dy. Mine, osy máselege baılanysty alysta bolsa da, eń jaqyn baýyrlarymyz, túrik aǵaıyndar óz tarapynan qoldaý kórsetý maqsatynda akııa bastady. Beıne rolıkte túrik jastary «Kim Qazaqstanǵa qarsy bolsa, Túrkııaǵa qarsy» dep urandatty.
