Qytaı 3 astronavtyn «Aspan saraıy» atanǵan óz ǵarysh stanııasynyń qurylysy úshin 3 aıǵa saparǵa attandyrdy.
Memlekettik saıasattyń maqsaty aspanasty eli «Halyqaralyq ǵarysh stanııasynan» bólek, táýelsiz jeke ózi jańa jańa ǵarysh stanııasyn salmaqshy. Qurylys 2022 jyly aıaqtalady. Qazirgi tańda stanııanyń bólikteri ǵaryshqa shyǵarylǵan. Astronavttar sol bólikterdi qosý men ózge de qurylys jumystaryn atqarady.
Búgingi tańda búkil álem elderi birigip paıdalanatyn «Halyqaralyq ǵarysh stanııasynyń» qoldaný merzimi 2028 jyly aıaqtalady. Eger ǵarysh derjavasyna jatatyn basqa bir el jańa stanııa salmasa Qytaı ǵarysh stanııasy bar álemde jalǵyz memleket bolady. Álem elderi Qytaıdyń sharttarynda, shyǵystaǵy aǵaıynnyń ǵarysh stanııasyn qoldanýǵa májbúr halge túsedi. Búgingi kúnniń ózinde álemniń 17 eli Qytaımen birlese jumys isteýge ótinish bildirgen. Onyń ishinde Reseı de bar.
Reseıdiń 2025 jyly «ROSS» atty óz ǵarysh stanııasyn salady degen jospary bar. Sonymen birge Qytaı mamandarymen de birlese jumys isteýge ázir.
Osy jyly Marsqa zertteý apparatyn sátti qondyrǵan Qytaı keń kólemdi memlekettik qoldaý men saıasattyń arqasynda ǵarysh derjavalarynyń qataryna qosyldy dep aıtýǵa tolyq bolady.
Biz qalaıyq, qalamaıyq aldaǵy 10 jylda álemdik ekonomıkada, saıasatta, ǵylymda Qytaı faktory birinshi orynǵa shyǵady.
Baýyrjan SERIKBAEV,
"Adyrna" ulttyq portaly
