Талибан қозғалысының өкілі мен Ауғанстан Ислам Әмірлігінің келіссөз тобының мүшесі Мұхаммед Сухаил Шахин Өзбекстан басшылығының атына тәуелсіздіктің 30 жылдығына орай құттықтау жолдады. Бұл туралы “Адырна” ұлттық порталы хабарлайды.
Бұл туралы 1 қыркүйекте Өзбекстан Сыртқы істер министрлігінің ресми өкілі Юсуп Кабулжанов хабарлады.
Өзбекстан Сыртқы істер министрлігіне жолданған құттықтауда:
«Біз бауырлас Өзбекстан елінің басшылығы мен халқын Тәуелсіздік күнімен шын жүректен құттықтаймыз. Біз көршілес Өзбекстанмен жемісті және достық қарым -қатынас орнатқымыз келеді ».
Құттықтауда сондай -ақ, Талибанның Өзбекстанның қатысуымен Ауғанстанда теміржол мен электр желілерін салу жобаларын жүзеге асыруға мүдделі екендігі айтылады.
«Ауғанстан Ислам Әмірлігі біздің өзбек серіктестерге осы бағытта барлық қажетті көмекті көрсетеді», - делінген құттықтауда.
Бұл арада әлеуметтік желілердің өзбек сегментінде талибандар ауған мектептерінде өзбек тілін оқытуға тыйым салып, Әлішер Навои ескерткіштерін бұзғаны туралы бұған дейін хабарланған болатын.
Алайда Өзбекстан Сыртқы істер министрлігінің өкілі Юсуп Кабулжанов бұл хабарларды «шындыққа жанаспайтын» деп бағалап, оны таратқандарды сынға алды.
