Táýelsizdiktiń 30 jyldyǵy qarsańynda Shymkenttegi Daryn ortalyǵynda mektepke deıingi uıym tárbıelenýshileri arasynda «Jas ónerpaz» mýzykalyq shyǵarmashylyq baıqaýy ótti. Baıqaýǵa Shymkent qalasynyń mektepke deıingi 31 uıymnan 57 tárbıelenýshi qatysty.
Qarataý dástúrli óner mektebinde ótken baıqaýdyń negizgi maqsaty - balalardyń shyǵarmashylyqqa degen talpynysyn arttyrý, damýyna qoldaý kórsetý, dástúrli ánderdi dáripteý. Sondaı-aq, ulttyq tálim-tárbıeni jastardyń boıyna sińire otyryp izgilik pen adamgershilikke baýlý.
Baıqaýǵa qatysyp, óner kórsetken órenderdiń arasynan jeńimpazdar anyqtalyp, marapattaldy. Jeńimpazdardy Daryn ortalyǵynyń dırektory, pedagogıka ǵylymdarynyń kandıdaty Djerenova Raýshan Omarhanqyzy marapattady.
Baıqaý "Ánshi balapan", "Bıshi balapan" jáne "Sánqoı balaqaı" nomınaııasy boıynsha ótkizildi. Jeńimpazdarǵa I, II, III dárejeli dıplomdar men baǵaly syılyqtar tabystaldy.
«Adyrna» ulttyq portaly
