مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس جامبىل وبلىسىنىڭ اكىمى بەردىبەك ساپارباەۆ وڭىردەگى بارلىق ءىرى كاسىپورىنداردىڭ ۇجىمدارىمەن كەزدەسىپ، باسشىلاردىڭ 2021 جىلى اتقارىلعان جۇمىستارى تۋرالى ەسەپتەرىن تىڭداپ، الداعى ۋاقىتتا اتقارىلعان جۇمىستارعا قاتىستى ماسەلەلەردى، جۇمىسشىلاردىڭ جالاقىسىن ارتتىرۋعا، ەڭبەك جاعدايىن جاقسارتۋعا بايلانىستى ۇىسىنىستاردى تالقىلادى، دەپ حابارلايدى "ادىرنا" ۇلتتىق پورتالى.
جامبىل وبلىسىندا جۇمىس ورىندارىن ساقتاۋ، ءوندىرىس كولەمىن ۇلعايتۋ جانە جۇمىسشىلار الدىنداعى الەۋمەتتىك مىندەتتەمەلەردى ورىنداۋعا باسا نازار اۋدارىلۋدا.
وبلىس اكىمدىگى، بارلىق كاسىپورىندار مەن كاسىپوداقتار ارنايى ۇشجاقتى مەموراندۋمعا قول قويدى. وبلىستا 195 كاسىپورىن جۇمىسشىلارىنىڭ جالاقىسىن (25 مىڭعا جۋىق ادام) ورتا ەسەپپەن 24 پايىزعا ءوسىردى.
اعىمداعى جىلدىڭ باسىنان بەرى 31 كاسىپورىن جۇمىسشىلارىنىڭ جالاقىسىن ورتا ەسەپپەن 12 پايىزعا وسىرگەن. بۇل باعىتتاعى جۇمىستار جالعاسۋدا.
مەملەكەت باسشىسىنىڭ تاپسىرماسىنا سايكەس «قازفوسفات» جشس قىزمەتكەرلەرىنىڭ جالاقىسى 2021 جىلى 25 پايىزعا، بيىلعى جىلى 15 پايىزعا (بارلىعى 6200 ادام جۇمىس ىستەيدى), «تاراز مەتاللۋرگيالىق زاۋىتى» جشس 25 پايىزعا (770 ادام) ءوستى. ).
2021 جىلدىڭ 1 قاڭتارىنان باستاپ «تارازەنەرگوتسەنتر» اق قىزمەتكەرلەرىنىڭ جالاقىسى 28 پايىزعا، وندىرىستىك قىزمەتكەرلەردىڭ جالاقىسى 38 پايىزعا ءوستى.
ءوڭىر باسشىسى كاسىپورىن باسشىلارىنا ەڭبەك جاعدايىن جاقسارتۋ، جىل سايىن جالاقىنى كوتەرۋ شارالارىن جۇيەلى تۇردە قولعا الۋدى، باستاۋىش كاسىپوداق ۇيىمدارىنىڭ باسشىلارىنا از قامتىلعان جانە كوپ بالالى وتباسىلارعا كومەك كورسەتۋدى تاپسىردى.
"ادىرنا" ۇلتتىق پورتالى
