Memleket basshysy Qasym-Jomart Toqaevtyń tapsyrmasyna sáıkes Jambyl oblysynyń ákimi Berdibek Saparbaev óńirdegi barlyq iri kásiporyndardyń ujymdarymen kezdesip, basshylardyń 2021 jyly atqarylǵan jumystary týraly esepterin tyńdap, aldaǵy ýaqytta atqarylǵan jumystarǵa qatysty máselelerdi, jumysshylardyń jalaqysyn arttyrýǵa, eńbek jaǵdaıyn jaqsartýǵa baılanysty uysynystardy talqylady, dep habarlaıdy "Adyrna" ulttyq portaly.
Jambyl oblysynda jumys oryndaryn saqtaý, óndiris kólemin ulǵaıtý jáne jumysshylar aldyndaǵy áleýmettik mindettemelerdi oryndaýǵa basa nazar aýdarylýda.
Oblys ákimdigi, barlyq kásiporyndar men kásipodaqtar arnaıy úshjaqty memorandýmǵa qol qoıdy. Oblysta 195 kásiporyn jumysshylarynyń jalaqysyn (25 myńǵa jýyq adam) orta eseppen 24 paıyzǵa ósirdi.
Aǵymdaǵy jyldyń basynan beri 31 kásiporyn jumysshylarynyń jalaqysyn orta eseppen 12 paıyzǵa ósirgen. Bul baǵyttaǵy jumystar jalǵasýda.
Memleket basshysynyń tapsyrmasyna sáıkes «Qazfosfat» JShS qyzmetkerleriniń jalaqysy 2021 jyly 25 paıyzǵa, bıylǵy jyly 15 paıyzǵa (barlyǵy 6200 adam jumys isteıdi), «Taraz metallýrgııalyq zaýyty» JShS 25 paıyzǵa (770 adam) ósti. ).
2021 jyldyń 1 qańtarynan bastap «Tarazenergoentr» AQ qyzmetkerleriniń jalaqysy 28 paıyzǵa, óndiristik qyzmetkerlerdiń jalaqysy 38 paıyzǵa ósti.
Óńir basshysy kásiporyn basshylaryna eńbek jaǵdaıyn jaqsartý, jyl saıyn jalaqyny kóterý sharalaryn júıeli túrde qolǵa alýdy, bastaýysh kásipodaq uıymdarynyń basshylaryna az qamtylǵan jáne kóp balaly otbasylarǵa kómek kórsetýdi tapsyrdy.
"Adyrna" ulttyq portaly
