وقيعا پەتروپاۆلداعى دەمالىس ورتالىقتارىنىڭ بىرىندە بولعان. 17 جاستاعى قىز بىردەن بەس ءجاسوسپىرىمنىڭ وعان كورسەتكەن زورلىق-زومبىلىق ارەكەتتەرى تۋرالى ايتتى، ولاردىڭ اراسىنداعى ەكى جىگىت كامەلەتكە تولماعان. بۇگىن سوت ۇكىم شىعاردى، دەپ جازادى "ادىرنا" ۇلتتىق پورتالى.
قىزدىڭ اتا-اناسى پوليتسياعا 11 ماۋسىم كۇنى ارىز جازعان. بىرنەشە كۇننەن كەيىن پوليتسەيلەر كۇدىكتىلەردى قولعا ءتۇسىردى.
جابىرلەنۋشى ءۇشىن بۇل قيىن سىناق بولدى، ويتكەنى اناسىنىڭ ايتۋىنشا، ءتورت ايدان كەيىن تەرگەۋ ونى جاسىنا بايلانىستى ساراپتامادان وتۋگە جىبەرگەن. جابىرلەنۋشىنىڭ وتباسى حالىقتان كومەك سۇرادى.
ەگەر ول 17 ەمەس، 18-دە بولسا، وندا بەس ادام زورلاي بەرۋگە بولادى دەپ قايدا جازىلعان؟ توپتىق زورلاۋ ىسىنە كەلگەندە بۇل نەگە ءبىزدىڭ زاڭىمىزدا قالىپتى دۇنيە سەكىلدى قارايدى؟ ...ول جىگىتتەردىڭ قىزدىڭ قانشا جاستا ەكەنىنە ءمان بەرمەگەنى انىق، دەپ جازدى جەلى قولدانۋشىلارى.
بۇل رەتتە قىزدىڭ جاقىندارى ايىپتالىپ جاتقان بەس جىگىتتىڭ تۋىستارىناىڭ تاراپىنان ولاردىڭ وتباسىنا قىسىم جاسالىپ جاتقانىن ايتتى. بۇگىن 17 مەن 20 جاس ارالىعىنداعى قىلمىسكەرلەرگە ۇكىم شىقتى.
سوت تورتەۋىنىڭ الكوگولدىك ماس كۇيدە بولعانىن ءتۇسىندىردى، بۇل جاۋاپتىلىقتى اۋىرلاتاتىن ءمان-جاي دەپ تانىلدى.
سوت ولاردىڭ ۇشەۋىنە كامەلەتكە تولماعاندارعا پەدوگوگيكالىق قىزمەت كورسەتۋگە ءومىر بويى تىيىم سالىپ، 16 جىلعا باس بوستاندىعىنان ايىرۋ جازاسىن كەستى.
ءتورتىنشى جىگىت 10 جىلعا باس بوستاندىعىنان ايىرىلدى. ولاردىڭ بارلىعى، بەسىنشىسىنەن ايىرماشىلىعى، جازاسىن قاجك مەكەمەسىندە وتەيتىن بولادى، ونىڭ جازاسىن سولتۇستىك قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ توراعاسى سەرگەي ۆيكتورەنكو ايتتى.
ەكى جىلعا كامەلەتكە تولماعاندارمەن پەداگوگيكالىق جانە ەڭبەك قىزمەتىمەن اينالىسۋ قۇقىعىنان ايىرا وتىرىپ، 10 جىلعا باس بوستاندىعىنان ايىرۋ تاعايىندالسىن. كامەلەتكە تولماعانداردى اسىراۋ جونىندەگى ورتاشا تارتىپتەگى تۇزەۋ مەكەمەسىندە جازاسىن وتەۋگە جىبەرىلسىن، – دەدى سوت توراعاسى سەرگەي ۆيكتورەنكو.
قۇقىق بۇزۋشىلاردان قىزدىڭ پايداسىنا سۋديا 10 ميلليون تەڭگە مورالدىق شىعىن وندىرۋگە مىندەتتەدى.
"ادىرنا" ۇلتتىق پورتالى
