باس پروكۋراتۋرا قىلمىس جەتەكشىسى ارمان جۇماگەلديەۆتى قاماۋدا ۇستاۋ مەرزىمىن 7 ساۋىرگە دەيىن ۇزارتقانىن حابارلادى.
ول قىلمىستىق كودەكستىڭ ءۇش بابى بويىنشا قىلمىس جاسادى دەگەن كۇدىككە ىلىنگەن:
- 126-باپتىڭ 3-بولىگىنىڭ 3-تارماعى – «ابايسىزدا جابىرلەنۋشىنىڭ ولىمىنە نەمەسە وزگە دە اۋىر زارداپتارعا اكەپ سوققان باس بوستاندىعىنان زاڭسىز ايىرۋ»;
- 272-باپتىڭ 2-بولىگى – «زورلىق-زومبىلىقپەن، قىرعىنمەن، ءورت قويۋمەن، مۇلىكتى جويۋمەن، اتىس قارۋىن، جارىلعىش زاتتاردى نەمەسە جارىلعىش قۇرىلعىلاردى قولدانۋمەن، سونداي-اق بيلىك وكىلىنە قارۋلى قارسىلىق كورسەتۋمەن ۇشتاسقان، ونىڭ ىشىندە شەتەلدىك كوزدەردەن الىنعان قاراجاتتى پايدالانا وتىرىپ، تارتىپسىزدىكتەرگە قاتىسۋ،»;
- 287-باپتىڭ 4-بولىگى - "ادامدار توبىنىڭ الدىن الا كەلىسىم بويىنشا نەمەسە بىرنەشە رەت اتىس قارۋىن، وق-دارىلەردى، جارىلعىش زاتتاردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ".
ەسكە سالايىق، جۇماگەلديەۆتىڭ ۇستالعانى 7 قاڭتاردا بەلگىلى بولدى. ول بەس ادامنان تۇراتىن قىلمىستىق توبىمەن بىرگە الماتىدا ارنايى وپەراتسيا بارىسىندا ۇستالدى. ۇستاۋ كەزىندە كۇدىكتىلەردەن ءارتۇرلى ماركالى جانە كاليبرلى ءتورت جارتىلاي اۆتومات، وق-ءدارى، سۋىق قارۋ جانە بروندالعان كولىك تاركىلەندى.
ناۋرىزدىڭ 14-ءى كۇنى باس پروكۋرور بەرىك اسىلوۆتىڭ ماجىلىستە سويلەگەن سوزىندە الماتىدا «جابايى ارماننىڭ” قىلمىستىق توبى ۇرلاپ كەتكەن 24 ازاماتتى ازاپتادى دەگەن ۇقك-ءنىڭ التى قىزمەتكەرى كۇدىككە ىلىنگەنىن ايتتى. سالدارىنان زارداپ شەككەندەردىڭ بارلىعى جارالانىپ، ءبىر ادام قازا تاپقان.
“ادىرنا” ۇلتتىق پورتالى
