Bas prokýratýra qylmys jetekshisi Arman Jumageldıevti qamaýda ustaý merzimin 7 sáýirge deıin uzartqanyn habarlady.
Ol Qylmystyq kodekstiń úsh baby boıynsha qylmys jasady degen kúdikke ilingen:
- 126-baptyń 3-bóliginiń 3-tarmaǵy – «Abaısyzda jábirlenýshiniń ólimine nemese ózge de aýyr zardaptarǵa ákep soqqan bas bostandyǵynan zańsyz aıyrý»;
- 272-baptyń 2-bóligi – «Zorlyq-zombylyqpen, qyrǵynmen, órt qoıýmen, múlikti joıýmen, atys qarýyn, jarylǵysh zattardy nemese jarylǵysh qurylǵylardy qoldanýmen, sondaı-aq bılik ókiline qarýly qarsylyq kórsetýmen ushtasqan, onyń ishinde sheteldik kózderden alynǵan qarajatty paıdalana otyryp, tártipsizdikterge qatysý,»;
- 287-baptyń 4-bóligi - "Adamdar tobynyń aldyn ala kelisim boıynsha nemese birneshe ret atys qarýyn, oq-dárilerdi, jarylǵysh zattardy zańsyz alý, berý, ótkizý, saqtaý, tasymaldaý nemese alyp júrý".
Eske salaıyq, Jumageldıevtiń ustalǵany 7 qańtarda belgili boldy. Ol bes adamnan turatyn qylmystyq tobymen birge Almatyda arnaıy operaııa barysynda ustaldy. Ustaý kezinde kúdiktilerden ártúrli markaly jáne kalıbrli tórt jartylaı avtomat, oq-dári, sýyq qarý jáne brondalǵan kólik tárkilendi.
Naýryzdyń 14-i kúni Bas prokýror Berik Asylovtyń Májiliste sóılegen sózinde Almatyda «Jabaıy Armannyń” qylmystyq toby urlap ketken 24 azamatty azaptady degen UQK-niń alty qyzmetkeri kúdikke ilingenin aıtty. Saldarynan zardap shekkenderdiń barlyǵy jaralanyp, bir adam qaza tapqan.
“Adyrna” ulttyq portaly
