جاپونيانىڭ ەڭ ءىرى ۋنيۆەرسيتەتى وقۋ باعدارلاماسىنا ديماش قۇدايبەرگەننىڭ اندەرىن ەنگىزدى. بۇل تۋرالى dimashnews.com سايتى جاريالادى، دەپ حابارلايدى “ادىرنا”.
جاپونيانىڭ ەڭ ءىرى «The Open University of Japan» ۋنيۆەرسيتەتىندە ورىس ءتىلىن ۇيرەنۋ بويىنشا جاڭا كۋرس اشىلىپ، وقۋ باعدارلاماسىنا ديماش قۇدايبەرگەننىڭ اندەرىن ەنگىزگەن. اتاپ ايتقاندا، ستۋدەنتتەر "يا سكۋچايۋ پو تەبە", "زناي" جانە "ليۋبوۆ ۋستاۆشيح لەبەدەي" اتتى 3 انىمەن تانىسادى.
كۋرس باعدارلاماسى ءار جەكسەنبىدە BS TV-دە كورسەتىلەتىن 15 ءدارىستى قامتيدى. بۇل دارىستەر 3 ءساۋىر مەن 10 شىلدە ارالىعىنا ەسەپتەلگەن جانە تەك قانا جاپونيادا تاراتىلادى. وسى ارالىقتا ستۋدەنتتەر ديماشتىڭ اندەرىن 3 رەت تىڭدايدى.
ايتا كەتەيىك، چيبا ايماعىندا ورنالاسقان "The Open University of Japan" – كۇنشىعىس ەلىنىڭ ەڭ تانىمال ۋنيۆەرسيتەتى. وندا 80 مىڭعا جۋىق ستۋدەنت قاشىقتىقتان ءبىلىم الادى.
“ادىرنا” ۇلتتىق پورتالى
