ەۋروكوميسسيا ءتورايىمى ۋرسۋلا فون دەر ليايەن كيەۆكە ساپارى بارىسىندا ۆلاديمير زەلەنسكيگە رەسمي تۇرلە ساۋالنامادان تۇراتىن قۇجات تابىستادى. ونى ۋكراينا ەو-عا مۇشەلىككە كەلىسسوزدەردى باستاۋ ءۇشىن تولتىرۋى قاجەت. ال ەۋروكوميسسيا ءتيىستى قورىتىندىنى جازدا ازىرلەۋدى جوسپارلاپ وتىر، دەپ حابارلايدى “ادىرنا” ۇلتتىق پورتالى Euronews-كە سىلتەمە جاساپ.
ەۋروپالىق ديپلوماتتاردىڭ باسشىسى جوسەپ بوررەل ەو ۋكرايناعا اسكەري قىلمىستار تۋرالى دالەلدەر جيناۋ جانە ۇسىنۋعا جەتى ميلليون ەۋرودان استام قاراجات بولگەنىن ايتتى. بۇل دەرەكتەر حالىقارالىق قىلمىستىق سوتقا جولدانادى.
"قۇرمەتتى ۆلاديمير، بۇل كونۆەرت - ەو-عا مۇشە بولۋعا ماڭىزدى كەزەڭ. بۇل ساۋالناما ءبىزدىڭ الداعى اپتالارداعى كەلىسسوزدەرىمىزدىڭ نەگىزى. وسى جەردەن ەۋروپا مەن ەۋروپالىق وداققا باراتىن جول باستالادى. تىعىز جۇمىس ىستەسەك، مەنىڭ ويىمشا، بۇل ادەتتەگىدەي بىرنەشە جىل ەمەس، بىرنەشە اپتا ىشىندە جاسالادى. بۇل سىزگە، قىمباتتى ۆلاديمير", - دەدى ۋرسۋلا فون دەر ليايەن ۋكراينا پرەزيدەنتىنە قۇجاتتاردى بەرىپ.
زەلەنسكي جاۋاپتى ءبىر اپتا ىشىندە دايىنداپ بەرەتىندەرىنە ۋادە بەردى.
“ادىرنا” ۇلتتىق پورتالى
