Eýrokomıssııa tóraıymy Ýrsýla fon der Lıaıen Kıevke sapary barysynda Vladımır Zelenskııge resmı túrle saýalnamadan turatyn qujat tabystady. Ony Ýkraına EO-ǵa múshelikke kelissózderdi bastaý úshin toltyrýy qajet. Al Eýrokomıssııa tıisti qorytyndyny jazda ázirleýdi josparlap otyr, dep habarlaıdy “Adyrna” ulttyq portaly Euronews-ke silteme jasap.
Eýropalyq dıplomattardyń basshysy Josep Borrel EO Ýkraınaǵa áskerı qylmystar týraly dálelder jınaý jáne usynýǵa jeti mıllıon eýrodan astam qarajat bólgenin aıtty. Bul derekter Halyqaralyq qylmystyq sotqa joldanady.
"Qurmetti Vladımır, bul konvert - EO-ǵa múshe bolýǵa mańyzdy kezeń. Bul saýalnama bizdiń aldaǵy aptalardaǵy kelissózderimizdiń negizi. Osy jerden Eýropa men Eýropalyq odaqqa baratyn jol bastalady. Tyǵyz jumys istesek, meniń oıymsha, bul ádettegideı birneshe jyl emes, birneshe apta ishinde jasalady. Bul sizge, qymbatty Vladımır", - dedi Ýrsýla fon der Lıaıen Ýkraına prezıdentine qujattardy berip.
Zelenskıı jaýapty bir apta ishinde daıyndap beretinderine ýáde berdi.
“Adyrna” ulttyq portaly
