ازىق-تۇلىك باعاسىن ۇستاپ تۇرۋ بويىنشا ءتيىمسىز جۇمىسى ءۇشىن وبلىس اكىمىنىڭ ورىنباسارلارى جازالانادى. پرەمەر-مينيستر ءاليحان سمايىلوۆ الەۋمەتتىك ماڭىزى بار ازىق-تۇلىك تاۋارلارىنىڭ باعاسىن ۇستاۋ ماسەلەسى بويىنشا كەڭەس وتكىزدى، دەپ حابارلايدى “ادىرنا” ۇلتتىق پورتالى.
وتكەن اپتادا NWFP باعاسى 0,6%-عا ءوستى. پياز – 2,9%-عا، قىرىققابات – 2,8%-عا، قۇس ەتى – 2,5%-عا، ءسابىز – 2,3%-عا، قانت – 1,5%-عا قىمباتتادى.
ەڭ كوپ باعا ءوسىمى نۇر-سۇلتان (0,9%) جانە الماتى (0,8%) قالالارىندا بايقالدى.
«مەن «وڭدەۋ سحەماسى» بويىنشا قارجىلاندىرۋدى ۇلعايتۋ تۋرالى بىرنەشە رەت تاپسىرما بەردىم، الايدا بۇگىنگى كۇنگە دەيىن ءتيىستى دەڭگەيدە جۇمىستار جۇرگىزىلگەن جوق. وسى ايدىڭ سوڭىنا دەيىن قارجىلاندىرۋدى 100 ميلليارد تەڭگەگە دەيىن ارتتىرۋ قاجەت. بۇل كورسەتكىشتى نىسانالى دەڭگەيگە جەتكىزبەگەن وڭىرلەر بويىنشا جەتەكشىلىك ەتەتىن اكىم ورىنباسارلارىن جازالاۋ تۋرالى ۇسىنىستار قاراستىرىلادى»، - دەدى سمايىلوۆ.
“ادىرنا” ۇلتتىق پورتالى
