بويجەتكەن تاكسي قىزمەتىن پايدالانعان كەزدە جۇرگىزۋشىنىڭ ادەپسىز ارەكەتىنە تاپ بولعان، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
وقيعا قازاقستاننىڭ قاي وڭىرىندە بولعانى ايتىلمادى.
قىزدىڭ ايتۋىنشا، ول ساپار باسىندا ءبارى قالىپتى بولعان. الايدا كوپ ۇزاماي جۇرگىزۋشى جەكە ومىرىنە قاتىستى سۇراقتار قويىپ، بىرگە سەرۋەندەۋدى ۇسىنعان. ول قىزدىڭ قارسىلىعىنا قاراماستان تاباندىلىق تانىتقان.
«ەش بولماسا ارماندا قالعانداي بولايىن، سۇيىسەيىكشى؟» – دەپ ماجبۇرلەمەك بولعان.
قىز بالا وقيعادان سوڭ قاتتى قورقىپ قالعانىن ايتتى.
«قاتتى قورىقتىم. اقشانى قايتارىپ بەرەمىن دەدى، بىراق مەن تەك كولىكتەن ءتۇسۋدى قالادىم»، – دەيدى جابىرلەنۋشى.
قىزدىڭ قارسىلىعىنان سوڭ جۇرگىزۋشى كولىك ەسىكتەرىن ىشتەن جاۋىپ، جولاۋشىعا سىرتقا شىعۋعا مۇمكىندىك بەرمەگەن كەز بولعان.
بويجەتكەن كولىكتەن شىعىپ ۇلگەرىپ، دەرەۋ تاكسي كومپانياسىنىڭ قولداۋ قىزمەتىنە شاعىمدانعان.
كومپانيا وكىلدەرى قاۋىپسىزدىك ءبولىمى تەكسەرۋ باستاعانىن ايتقانىمەن، كەيىن جول اقىسى قايتارىلمايتىنىن، ال جۇرگىزۋشىگە قاتىستى قانداي شارا قابىلدانعانى قۇپيا بولىپ قالاتىنىن جەتكىزگەن.
بويجەتكەن پوليتسياعا ەلەكتروندى فورماتتا ارىز تۇسىرگەن.
