Boijetken taksi qyzmetın paidalanǧan kezde jürgızuşınıŋ ädepsız äreketıne tap bolǧan, dep habarlaidy "Adyrna" ūlttyq portaly Ūlysmediaǧa sıltep.
Oqiǧa Qazaqstannyŋ qai öŋırınde bolǧany aitylmady.
Qyzdyŋ aituynşa, ol sapar basynda bärı qalypty bolǧan. Alaida köp ūzamai jürgızuşı jeke ömırıne qatysty sūraqtar qoiyp, bırge seruendeudı ūsynǧan. Ol qyzdyŋ qarsylyǧyna qaramastan tabandylyq tanytqan.
«Eş bolmasa armanda qalǧandai bolaiyn, süiıseiıkşı?» – dep mäjbürlemek bolǧan.
Qyz bala oqiǧadan soŋ qatty qorqyp qalǧanyn aitty.
«Qatty qoryqtym. Aqşany qaitaryp beremın dedı, bıraq men tek kölıkten tüsudı qaladym», – deidı jäbırlenuşı.
Qyzdyŋ qarsylyǧynan soŋ jürgızuşı kölık esıkterın ışten jauyp, jolauşyǧa syrtqa şyǧuǧa mümkındık bermegen kez bolǧan.
Boijetken kölıkten şyǧyp ülgerıp, dereu taksi kompaniiasynyŋ qoldau qyzmetıne şaǧymdanǧan.
Kompaniia ökılderı qauıpsızdık bölımı tekseru bastaǧanyn aitqanymen, keiın jol aqysy qaitarylmaitynyn, al jürgızuşıge qatysty qandai şara qabyldanǧany qūpiia bolyp qalatynyn jetkızgen.
Boijetken polisiiaǧa elektrondy formatta aryz tüsırgen.
