الماتى وبلىسى قاراساي اۋدانىنىڭ «تۇرار باقشاسى» ەلدىمەكەنىندە جاسىرىن ەسىرتكى زەرتحاناسىنىڭ قىزمەتى توقتاتىلدى. بۇل تۋرالى بۇگىن، 7 شىلدەدە ىشكى ىستەر مينيسترلىگى ايتتى، دەپ حابارلايدى «ادىرنا» ءتىلشىسى.
«جەدەل ءىس-شارالار بارىسىندا زاڭسىز اينالىمنان 11 كەلىدەن استام سينتەتيكالىق "مەفەدرون" ەسىرتكىسى تاركىلەندى. ناتيجەسىندە اينالىمعا قۇنى 1,6 ملن اقش دوللارىن قۇرايتىن شامامەن 35 مىڭ ءبىر رەتتىك دوزانىڭ تۇسۋىنە جول بەرىلمەدى. سونىمەن قاتار زەرتحاناعا جۇرگىزىلگەن ءتىنتۋ بارىسىندا 20 ليتر جانە 115 كگ پسيحوتروپتىق زات، سونداي-اق ەكى توننادان استام پرەكۋرسور تاركىلەندى. ولاردى وڭدەۋ ارقىلى 120 كگ سينتەتيكالىق ەسىرتكى دايىنداۋ جوسپارلانعان»،—دەلىنگەن حابارلامادا.
مينيسترلىكتىڭ مالىمەتىنشە، قىلمىستىق ورتاعا 17,5 ملن اقش دوللارى كولەمىندە زالال كەلتىرىلگەن. قازىرگى تاڭدا ۇستالعاندار ۋاقىتشا ۇستاۋ يزولياتورىنا قامالدى.
