BI Group كومپانياسى استانا قالاسىندا بالالارعا ارنالعان ەڭ ۇلكەن مۋزىكا مەكتەبىن سالىپ جاتىر. بۇل تۋرالى قۇرىلىس كومپانياسىنىڭ باسشىسى، بەلگىلى كاسىپكەر ايدىن راقىمباەۆ ايتتى، دەپ حابارلايدى «ادىرنا» ءتىلشىسى.
جالپى اۋدانى 5000 شارشى مەتردى قۇرايتىن ونەر ورداسى كۇنىنە 1000-نان استام وقۋشىنى قابىلداي الادى.
ء«بىز كومپانيانىڭ 30 جىلدىعىنا وراي اكتسيونەرلەرمەن بىرگە «BI ART» ونەر ورتالىعىن سىيعا تارتۋ تۋرالى شەشىم قابىلدادىق. ورتالىق وقۋ ورنى عانا ەمەس، شىعارماشىلىق ادامدارىنىڭ باس قوساتىن جەرىنە اينالادى. اتا-انالار ۇلكەن كونتسەرتتەرگە كەلىپ، بالالارىنىڭ ونەرىن تاماشالاي الادى. قازىر قۇرىلىس قارقىندى ءجۇرىپ جاتىر، ول جىلدىڭ سوڭىندا اياقتالادى»،—دەدى ول.
كاسىپكەر الەۋمەتتىك جەلىدەگى پاراقشاسىندا ەلوردانى تۋعان كۇنىمەن قۇتتىقتاپ، اقجارما تىلەگىن ءبىلدىردى.
«وسە بەر، كوركەيە بەر! بالالارىڭ باقىتتى، كوشەلەرىڭ جارىق، اسپانىڭ ءاردايىم اشىق بولسىن!»—دەدى ايدىن راقىمباەۆ.
