BI Group kompaniiasy Astana qalasynda balalarǧa arnalǧan eŋ ülken muzyka mektebın salyp jatyr. Būl turaly qūrylys kompaniiasynyŋ basşysy, belgılı käsıpker Aidyn Raqymbaev aitty, dep habarlaidy «Adyrna» tılşısı.
Jalpy audany 5000 şarşy metrdı qūraityn öner ordasy künıne 1000-nan astam oquşyny qabyldai alady.
«Bız kompaniianyŋ 30 jyldyǧyna orai aksionerlermen bırge «BI ART» öner ortalyǧyn syiǧa tartu turaly şeşım qabyldadyq. Ortalyq oqu orny ǧana emes, şyǧarmaşylyq adamdarynyŋ bas qosatyn jerıne ainalady. Ata-analar ülken konsertterge kelıp, balalarynyŋ önerın tamaşalai alady. Qazır qūrylys qarqyndy jürıp jatyr, ol jyldyŋ soŋynda aiaqtalady»,—dedı ol.
Käsıpker äleumettık jelıdegı paraqşasynda elordany tuǧan künımen qūttyqtap, aqjarma tılegın bıldırdı.
«Öse ber, körkeie ber! Balalaryŋ baqytty, köşelerıŋ jaryq, aspanyŋ ärdaiym aşyq bolsyn!»—dedı Aidyn Raqymbaev.
