Qazaqstandyq käsıpker Aidyn Raqymbaev pen onyŋ jūbaiy Anar Raqymbaeva älemdegı eŋ ırı filantropiialyq bastamalardyŋ bırı – The Giving Pledge jobasyna qosyldy, dep habarlaidy adyrna ūlttyq portaly.
Atalǧan bastamaǧa qatysuşylar öz bailyǧynyŋ basym bölıgın qaiyrymdylyq pen äleumettık jobalarǧa baǧyttauǧa erıktı türde mındetteme alady. Raqymbaevtar – Ortalyq Aziiadan osy jobaǧa qosylǧan alǧaşqy otbasy.
Forbes mälımetıne säikes, Aidyn Raqymbaevtyŋ bailyǧy şamamen 1,1 milliard AQŞ dollaryna baǧalanady. Käsıpkerdıŋ aituynşa, otbasy aldaǧy jyldary öz kapitalynyŋ 50 paiyzdan astamyn äleumettık jäne qaiyrymdylyq bastamalarǧa jūmsamaq.
Olardyŋ ortaq mälımdemesınde būl şeşım ömırlık qūndylyqtarynyŋ jalǧasy ekenı aitylǧan. Sondai-aq, qalǧan qarajattyŋ bır bölıgı balalarǧa jäne kelesı ūrpaqqa mūra retınde qaldyrylatyny atap ötılgen.
«Bız üşın The Giving Pledge qauymdastyǧyna qosylu – ülken märtebe. Būl şeşım bızdıŋ ūzaq jyldar boiy ūstanyp kele jatqan qaǧidalarymyzdyŋ jalǧasy. Bız ömır boiy jinaǧan täjıribe men resursty qoǧam igılıgıne paidalanuǧa niettımız», – delıngen olardyŋ hatynda.
Aidyn Raqymbaevtyŋ aituynşa, otbasynyŋ basty basymdyǧy – Qazaqstan ışındegı äleumettık jobalar. Qarajattyŋ negızgı bölıgı mektepter saluǧa, balalardy qoldauǧa, bılım beru sapasyn arttyruǧa jäne ūlttyq mädeniettı damytuǧa baǧyttalady.
Būǧan deiın Raqymbaevtar «Dom mamy» jäne IQanat siiaqty jobalar arqyly myŋdaǧan balaǧa kömek körsetken. Būl bastamalar jetımdık mäselesın azaituǧa jäne auyl balalaryna sapaly bılım aluǧa mümkındık beruge baǧyttalǧan.
Aita keteiık, Raqymbaev erlı-zaiyptylary aldaǧy uaqytta The Giving Pledge qauymdastyǧynyŋ kezektı jiynyna qatysady. Onda olardyŋ jobaǧa resmi qosyluy jariia etıledı.
The Giving Pledge – älemdegı eŋ auqatty adamdardy bırıktıretın halyqaralyq qaiyrymdylyq bastama. Ony Bill Geits, Melinda French Geits jäne Uorren Baffet negızın qalaǧan. Jobaǧa qatysuşylar öz bailyǧynyŋ basym bölıgın qaiyrymdylyqqa arnauǧa erıktı türde uäde beredı.
