فرانتسيا سيريانىڭ ەكس-پرەزيدەنتى باشار اساد پەن التى بۇرىنعى جوعارى لاۋازىمدى شەنەۋنىكتى حالىقارالىق تۇتقىنداۋعا وردەر بەردى، دەپ حابارلايدى "ادىرنا" ۇلتتىق پورتالى.
مۇنداي شەشىمگە 2012 جىلى حومس قالاسىن اۋەدەن بومبالاۋ سالدارىنان ەكى شەتەلدىك ءجۋرناليستىڭ قازا تابۋى سەبەپ بولعان. قۇربانداردىڭ ءبىرى — امەريكالىق رەپورتيور، The Sunday Times باسىلىمىندا جۇمىس ىستەگەن 56 جاستاعى ماري كولۆين، ەكىنشىسى — 28 جاستاعى فرانتسۋز فوتوگرافى رەمي وشليك.
فرانتسيا بيلىگى بۇل وقيعانى ادامزاتقا قارسى قىلمىس جانە سوعىس قىلمىسى رەتىندە تەرگەپ جاتىر.
وردەر تەك باشار اسادقا عانا ەمەس، ونىڭ اعاسى — سيريانىڭ 4-ءشى برونەترانسپورتەر ديۆيزياسىنىڭ بۇرىنعى باسشىسى ماحير اسادقا، بارلاۋ قىزمەتىنىڭ ەكس-باسشىسى الي مامليۋككە جانە ارميا شتابىنىڭ بۇرىنعى باسشىسى الي ايۋبكە دە قاتىستى.
ايىپ تاعىلعان سيريالىق ەكس-شەنەۋنىكتەر حومستاعى بەيبىت تۇرعىن ۇيلەرىن قاساقانا نىساناعا العاندارىن جوققا شىعارىپ وتىر.
ەسكە سالا كەتەيىك، باشار اساد 2024 جىلدىڭ جەلتوقسانىندا بيلىكتەن شەتتەتىلىپ، كەيىن وتباسىمەن بىرگە رەسەيدەن ساياسي پانا ىزدەگەن بولاتىن.
