اقش پرەزيدەنتى دونالد ترامپ كونسەرۆاتيۆتى كوممەنتاتور چارلي كيركتى ءولتىردى دەگەن كۇدىكپەن 22 جاستاعى يۋتا شتاتىنىڭ تۇرعىنى تايلەر روبينسون ۇستالعانىن مالىمدەدى، دەپ حابارلايدى "ادىرنا" ۇلتتىق پورتالى BBC-گە سىلتەمە جاساپ.
كۇدىكتىنى پوليتسياعا ء وز اكەسى تاپسىرعان.
«مەنىڭ ويىمشا، ءبىز ونى جوعارى ىقتيمالدىقپەن ۇستادىق. بۇل ىسكە وعان ەڭ جاقىن ادام كومەكتەستى. ول – ونىڭ اكەسى»، – دەدى ترامپ
CNN جانە ABC تەلەارنالارى كۇدىكتىنىڭ اكەسى الدىمەن ۇلىن بەرىلۋگە كوندىرگەنىن، كەيىن جاستار شىركەۋىنىڭ قىزمەتكەرىمەن حابارلاسقانىن، ال ونىڭ اقش مارشالدارى قىزمەتىنە اقپارات بەرگەنىن ناقتىلادى.
يۋتا شتاتىنىڭ گۋبەرناتورى سپەنسەر كوكس تا ارنايى ءباسپاسوز ءماسليحاتىن وتكىزىپ، كۇدىكتىنىڭ تۋىستارىنا العىس ايتتى.
«ولار دۇرىس قادام جاسادى. ءوز بالاسىن پوليتسياعا الىپ كەلۋ وڭاي شەشىم ەمەس، بىراق ولار ادىلەتتىلىكتى تاڭدادى»، – دەدى ول.
ترامپ باستاپقىدا تەرگەۋشىلەردىڭ قولىندا ەشقانداي ناقتى دالەل بولماعانىن ايتتى.
ء«بىز تەك ۆيدەودان باستادىق. وندا كۇدىكتى قۇمىرسقا سەكىلدى عانا كورىندى – پايداسى شامالى جازبا ەدى. بىراق ءبىر ادامنىڭ جۇرگەنىن بايقادىق»، – دەدى ترامپ.
سونداي-اق ول چارلي كيركتىڭ ولىمىنە قاتىستى تەرەڭ قايعىرىپ وتىرعانىن جەتكىزدى. ەگەر سوت روبينسوندى كىنالى دەپ تاپسا، ونى ءولىم جازاسىنا كەسۋگە ۇمىتتەنەتىنىن ايتتى.
ترامپ كيركتى ء«وزىنىڭ ۇلىنداي» كورگەنىن، ونىڭ TikTok جوبالارىندا ۇلكەن كومەك كورسەتكەنىن دە اتاپ ءوتتى. پرەزيدەنت سەرىگىنىڭ جەرلەۋ راسىمىنە قاتىساتىنىن ايتىپ، ونىڭ ءولىم ءساتىن تۇسىرگەن ۆيدەونى قاراۋدان باس تارتقانىن جەتكىزدى.
ەسكە سالا كەتەيىك، اقش-تاعى يۋتا شتاتىنىڭ Utah Valley ۋنيۆەرسيتەتى كامپۋسىندا ساياسي بەلسەندى ءارى ترامپتىڭ جاقتاسى چارلي كيركتى كوپتىڭ الدىندا ءسوز سويلەپ تۇرعان ساتتە اتىپ كەتكەن ەدى.
