ءماجىلىس دەپۋتاتى باقىتجان بازاربەك دەنساۋلىق ساقتاۋ مينيسترلىگى ۇسىنعان زەينەتاقى جيناقتارىن ستوماتولوگيالىق قىزمەتتەرگە تولەۋ مۇمكىندىگىن الىپ تاستاۋ باستاماسىنا قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
ول مۇنداي تىيىمنىڭ ازاماتتاردىڭ قۇقىقتارىن شەكتەيتىنىن جەتكىزدى.
ء«تىس ەمدەۋ سىلتاۋىمەن اقشانى شىعارىپ العان الاياقتىق، ايلاكەرلىك فاكتىلەرى بار. مەندە "وتباسى بانكىنەن" الىنعان ماتەريالدار بار. وتە كوپ ميلليارد شىعارىلعان. ەندى بۇل تاجىريبەنى تولىق توقتاتقىسى كەلەدى. بۇل دۇرىس ەمەس. قىلمىستىق ىستەر قوزعاڭىزدار، جاۋاپكەرشىلىككە تارتىڭىزدار. قاتىسى بار كلينيكالار مەن ستوماتولوگيالاردى تەكسەرىپ، ليتسەنزيالارىن قايتارىپ، مەكەمەلەردى جابۋ كەرەك»،–دەدى دەپۋتات ءماجىلىس كۋلۋارىندا.
باقىتجان بازاربەك ازاماتتاردىڭ زەينەتاقى جيناقتارىنىڭ ارتىعىن ءتىس ەمدەۋگە پايدالانۋ قۇقىعىنان ايىرىلماۋى قاجەت ەكەنىن ەرەكشە اتاپ ءوتتى. سونداي-اق ول باس پروكۋراتۋرا مەن ىشكى ىستەر مينيسترلىگى جان-جاقتى تەرگەۋ جۇرگىزۋى ءتيىس ەكەنىن ايتىپ، بۇل پروتسەسكە ءوزى دە جەكە قاتىسۋعا ءازىر ەكەنىن ءبىلدىردى.
ەسكە سالايىق، بۇعان دەيىن «وتباسى بانك» بىرىڭعاي جيناقتاۋشى زەينەتاقى قورىنداعى قاراجاتتى ستوماتولوگيالىق قىزمەتتەرگە پايدالانۋ ءۇشىن ءوتىنىم قابىلداۋ ۋاقىتشا توقتاتىلاتىنىن ايتقان ەدى.
