نيۋ-يورك پوليتسياسى تۇركيا پرەزيدەنتى رەجەپ تايىپ ەردوعاننىڭ دەلەگاتسياسىن VIP-كورتەجدىڭ وتۋىنە بايلانىستى توقتاتتى. بۇل تۋرالى تۇركيالىق باق جازدى، دەپ حابارلايدى «ادىرنا» ءتىلشىسى.
وقيعا قالانىڭ ورتالىق كوشەلەرىنىڭ بىرىندە بولعان. Halk TV مالىمەتىنشە، جولدى اقش پرەزيدەنتى دونالد ترامپتىڭ كورتەجى ءوتىپ بارا جاتقانىنا بايلانىستى جاپقان بولۋى مۇمكىن.
«بۇۇ باس اسسامبلەياسىنا قاتىسۋ ءۇشىن نيۋ-يورككە باعىت العان ەردوعاننىڭ كورتەجى توقتاتىلىپ، كەيىن كەپتەلىسكە ءتۇسىپ قالدى»،—دەلىنگەن حابارلامادا.
بۇعان دەيىن فرانتسيا پرەزيدەنتى ەممانۋەل ماكرون دا وسىنداي جاعدايعا تاپ بولعان ەدى. وفيتسەرلەر جولدى اقش پرەزيدەنتى دونالد ترامپتىڭ كورتەجى ءوتىپ بارا جاتقانىنا بايلانىستى ۋاقىتشا جاپقان. بىرنەشە مينۋت وتكەننەن كەيىن پوليتسيا كوشەنى اشقان، الايدا تەك جاياۋ جۇرگىنشىلەرگە عانا جۇرۋگە رۇقسات بەرگەن. وسىدان سوڭ كولىگىنەن تۇسكەن ەممانۋەل ماكرون فرانتسيا ەلشىلىگىنە دەيىن جاياۋ بارۋعا شەشىم قابىلداعان.
