قوستاناي قالاسىنداعى ۋاقىتشا بەيىمدەۋ جانە دەتوكسيكاتسيا ورتالىعىنىڭ قىزمەتكەرى 61 جاستاعى ناۋقاستى اياۋسىز ۇرىپ-سوققان. وقيعانىڭ بەينەجازباسى جەلىدە تارادى، دەپ حابارلايدى «ادىرنا» ءتىلشىسى.
ەر ادام كامەرادا تەمەكى شەككەنى ءۇشىن سوققىعا جىعىلعان. ۆيدەودان مەديتسينا قىزمەتكەرىنىڭ قارت كىسىنى جەرگە قۇلاتىپ، اياۋسىز تەپكىلەگەنى انىق كورىنەدى.
جابىرلەنۋشىنىڭ قىزى بۇل وقيعانىڭ 27 شىلدەدە بولعانىن مالىمدەدى.
«اكەمدى شىلىم شەككەنى ءۇشىن مەديتسينا قىزمەتكەرى ۇرىپ، دەنەسىنە اۋىر جاراقات سالدى. سونىڭ سالدارىنان وڭ بۇيرەگى جىرتىلىپ، كوپ قان جوعالتتى، بۇيرەكتى الىپ تاستاۋعا تۋرا كەلدى»،–دەدى ول.
وبلىستىق پوليتسيا دەپارتامەنتىنىڭ ءباسپاسوز قىزمەتى قاساقانا اۋىر دەنە جاراقاتىن كەلتىرۋ فاكتىسى بويىنشا قىلمىستىق ءىس قوزعالعانىن ايتتى.
«كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قازىرگى تاڭدا قاجەتتى تەرگەۋ امالدارى جۇرگىزىلۋدە. جاقىن ۋاقىتتا قىلمىستىق ءىس ماتەريالدارى سوتقا جولدانادى»، – دەلىنگەن حابارلامادا.
