سارايشىق اۋداندىق پوليتسيا ءبولىمىنىڭ قىزمەتكەرلەرى قوشقارباەۆ كوشەسىندەگى تۇرعىن ۇيلەردىڭ ءبىرىنىڭ الدىنان كوك تراكتوردى زاڭسىز ايداپ اكەتكەن ەر ادامدى ۇستادى، دەپ حابارلايدى "ادىرنا".
تەرگەۋ بارىسىندا انىقتالعانداي، كۇدىكتى تۇنگى ۋاقىتتا ماس كۇيىندە تراكتوردى ايداپ كەتىپ، ءبىراز جۇرگەن سوڭ ونى قالانىڭ ورتالىق كوشەلەرىنىڭ بىرىنە تاستاپ كەتكەن. كولىك يەسى وقيعا تۋرالى دەرەۋ پوليتسياعا حابارلاعان.
جەدەل ىزدەستىرۋ شارالارىنىڭ ناتيجەسىندە كۇدىكتى قولعا ءتۇستى. الدىن الا مالىمەت بويىنشا، تراكتور يەسىنە شامامەن 500 مىڭ تەڭگە كولەمىندە ماتەريالدىق شىعىن كەلگەن.
قازىر بۇل دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
پوليتسيا دەپارتامەنتى ازاماتتاردى ءوز مۇلكىنە ۇقىپتى قاراۋعا جانە قاۋىپسىزدىك شارالارىن ساقتاۋعا شاقىرادى.
ۇقساس جاڭالىقتار
