14 قازاندا قايتىس بولعان يراندىق رەجيسسەر ناسەر تاگۆايدىڭ جەرلەۋ ءراسىمى ەلدە ۇلكەن قوعامدىق تالقىلاۋعا تۋدىردى، دەپ حابارلايدى "ادىرنا" ۇلتتىق پورتالى يراندىق باق-قا سىلتەمە جاساپ.
قوشتاسۋ ءراسىمى يسلامدىق جەرلەۋ داستۇرلەرىنەن وزگەشە ءوتتى. كوپتەگەن قاتىسۋشىلار، سونىڭ ىشىندە تانىمال اكتريسا كاتايۋن رياحي، حيدجابسىز كەلگەن.
ءراسىم بارىسىندا قۇران اياتتارى مەن اراب تىلىندەگى دۇعالاردىڭ ورنىنا ءفيردوۋسيدىڭ “شاحنامەسىنەن” ۇزىندىلەر وقىلىپ، قاتىسۋشىلار اق ءتۇستى كيىم كيىپ، ءان شىرقادى. بۇل جايت قوعامدا ەجەلگى زورواستريزم داۋىرىندەگى يراندىق داستۇرلەرگە قايتا ورالۋ بەلگىسى رەتىندە قابىلداندى.
الەۋمەتتىك جەلىلەردە بۇل وقيعا ساياسي تۇتقىن مادجيدرەزا راحناۆاردتىڭ ءولىم جازاسىنا دەيىن ايتقان سوزىمەن ءجيى بايلانىستىرىلدى.
“قۇران وقىماڭدار، ءان ايتىڭدار”، - دەگەن ەدى ول سوڭعى سوزىندە.
ساراپشىلاردىڭ پىكىرىنشە، ناسەر تاگۆايدىڭ جەرلەۋ ءراسىمى يراندا يسلامدىق ادەت-عۇرىپتاردان الىستاپ، ەجەلگى پارسىلىق مادەني قۇندىلىقتارعا بەت بۇرۋ ءۇردىسىنىڭ كۇشەيىپ كەلە جاتقانىن كورسەتتى.
