17 قاراشا تاڭەرتەڭ الماتىداعى سايران كولى اۋدانىندا جەرگىلىكتى تۇرعىندار قاتتى جارىلىس داۋىسىن ەستىگەن. تورعىندار وقيعا كەزىندە بىرقاتار ۇيلەردە وشكەنىن الەۋمەتتىك جەلىدە جازدى، دەپ حابارلايدى "ادىرنا" پورتالى Tengrinews.kz سايتىنا سىلتەپ.
اۋەزوۆ اۋدانىندا تۇراتىن تۇرعىندار شامامەن ساعات 09:00-دە قاتتى دىبىس ەستىگەن.
"قاتتى جارىلىس بولدى. ءارى قاراي قالادا ءبىرشاما ۋاقىت جارىق بولمايتىن سياقتى", – دەيدى كۋاگەرلەر.
سونىمەن قاتار، اباي داڭعىلى مەن التىنسارين كوشەسىنىڭ قيىلىسىندا بارلىق باعدارشامدار ءبىر مەزەتتە جۇمىسىن توقتاتىپ، جولدا قوزعالىس قيىنداعانى حابارلاندى.
"قازىر باعدارشام قايتا جۇمىس ىستەپ تۇر، قوزعالىستى رەتتەۋگە تىرىسىپ جاتىر", – دەپ جازدى وقيعا كۋاگەرى.
قالالىق توتەنشە جاعدايلار دەپارتامەنتى وقيعاعا قاتىستى مالىمەت تاراتتى. دەپارتامەنتتىڭ ايتۋىنشا، 08:53-دە وتەگەن باتىر كوشەسىندە ترانسفورماتوردىڭ ورتەنىپ جاتقانى تۋرالى حابارلاما تۇسكەن.
"وقيعا ورنىنا ءورت سوندىرۋشىلەر جىبەرىلدى. بارعان كەزدە ترانسفورماتورلىق ستانسادا 0,2 شارشى مەتر اۋماقتا اشىق جالىن بولعانى انىقتالدى. ەلەكتر جەلىسى قىزمەتكەرلەرى نىساندى توقتان اجىراتتى", – دەلىنگەن حابارلامادا.
قازىرگى ۋاقىتتا ەلەكتر ەنەرگياسىن بەرۋ تولىق قالپىنا كەلتىرىلگەنى اتاپ ءوتىلدى.
