بىشكەكتە ۇجىمدىق قاۋىپسىزدىك شارتى ۇيىمىنىڭ (ۇقشۇ) باس حاتشىسى يمانعالي تاسماعامبەتوۆ پەن قىرعىزستان پرەزيدەنتى سادىر جاپاروۆتىڭ كەزدەسۋى ءوتتى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا 27 قاراشا كۇنى قىرعىزستان استاناسىندا وتەتىن ۇقشۇ قاۋىپسىزدىك كەڭەسى سەسسياسىنا دايىندىق ماسەلەلەرى تالقىلاندى. سونىمەن قاتار باس حاتشى ۇيىمعا قىرعىز رەسپۋبليكاسىنىڭ توراعالىعى اياسىندا اتقارىلىپ جاتقان جۇمىس بارىسى تۋرالى اقپارات بەردى. ول بيىل وتكەن ۇقشۇ بىرىككەن كۇشتەرى مەن قۇرىلىمدارىنىڭ وقۋ-جاتتىعۋلارى جانە بىرلەسكەن وپەراتسيالاردىڭ ناتيجەلەرى تۋرالى مالىمدەدى.
سادىر جاپاروۆ يمانعالي تاسماعامبەتوۆتىڭ مەملەكەتتەر اراسىنداعى قاۋىپسىزدىكتى نىعايتۋعا جانە دوستىقتى دامىتۋعا قوسقان ايرىقشا ۇلەسىن اتاپ ءوتىپ، ونى قىرعىز رەسپۋبليكاسىنىڭ مەملەكەتتىك ناگراداسى – «دوستىق» وردەنىمەن ماراپاتتادى.
