الەۋمەتتىك جەلى ارقىلى دەسترۋكتيۆتى ءدىني اعىمداردى ناسيحاتتاعان 6 ادام ۇستالدى. بۇل تۋرالى ۇلتتىق قاۋىپسىزدىك كوميتەتى ايتتى، دەپ حابارلايدى «ادىرنا» ءتىلشىسى.
«بيىل قاراشا ايىندا الماتى، اقتوبە، قوناەۆ جانە شىمكەنت قالالارىندا تەرروريزمدى، سونىڭ ىشىندە الەۋمەتتىك جەلىدە ناسيحاتتادى دەگەن كۇدىكپەن دەسترۋكتيۆتى ءدىني اعىمداردىڭ 6 جاقتاۋشىسىن ۇستادى.تەرگەۋدىڭ بولجامى بويىنشا، ولار ءدىني نەگىزدە شابۋىلدار مەن كىسى ولتىرۋگە شاقىرۋلار تاراتقان، سونىمەن قاتار زايىرلى تارتىپكە قارسى شىققان»،- دەلىنگەن حابارلامادا.
ءتىنتۋ بارىسىندا ولاردان اتىس جانە سۋىق قارۋ، سونداي-اق كوپتەگەن ءدىني ادەبيەتتەر تاركىلەنگەن.
ۇقك سوت سانكتسياسىمەن اتالعان تۇلعالاردىڭ قاماۋعا الىنعانىن مالىمدەدى.
ايتا كەتەيىك، جىل باسىنان بەرى ۇقك ورگاندارىنىڭ ماتەريالدارى بويىنشا تەرروريستىك جانە ەكسترەميستىك ارەكەت ءۇشىن 83 ادام ۇستالىپ، 97 ادام سوتتالعان.
