قازاقستاننىڭ ۇلتتىق قاۋىپسىزدىك كوميتەتى (ۇقك) ايدوس ەسپولوۆتىڭ ۇستالعانىن راستادى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
بۇعان دەيىن باق-تا "استانا ەكسپو-2017" كومپانياسىنىڭ بۇرىنعى كەڭەسشىسى ايدوس ەسپولوۆتىڭ استانادا ۇستالعانى تۋرالى اقپارات تاراعان.
ەكس-پرەزيدەنت نۇرسۇلتان نازارباەۆتىڭ ءۇشىنشى جارى اسەل قۇرمانباەۆانىڭ اعاسى دەلىنەتىن ايدوس ەسپولوۆ «ەۋرازيالىق تەحنولوگيالىق ۋنيۆەرسيتەتى» مەن «Alatau Asset Management Company» كومپانياسىنىڭ قۇرىلتايشىلارىنىڭ ءبىرى رەتىندە تانىلعان.
ۇقك ءباسپاسوز قىزمەتىنىڭ مالىمەتىنشە، اتالمىش دەرەك بويىنشا الدىن الا تەرگەۋ جۇرگىزىلىپ جاتىر. قىلمىستىق-پروتسەستىك كودەكستىڭ 201-بابىنىڭ 1-بولىمىنە سايكەس باسقا اقپارات جاريا ەتىلمەيدى.
ۇقساس جاڭالىقتار
