الماتى قالاسى بويىنشا مەملەكەتتىك كىرىستەر دەپارتامەنتى اكتسيزدىك تاۋارلاردىڭ زاڭسىز اينالىمىنا قارسى كۇرەس شارالارىن كۇشەيتۋدە دەپ حابارلايدىيادىرنا ۇلتتىق پورتالى.
ۆەدومستۆو مالىمەتىنشە، 2025 جىلدىڭ العاشقى 10 ايىندا الكوگول، تەمەكى جانە مۇناي ونىمدەرىنىڭ زاڭسىز اينالىمىنا بايلانىستى بىرقاتار ءىرى قۇقىقبۇزۋشىلىقتار انىقتالعان. جۇرگىزىلگەن تەكسەرۋلەر ناتيجەسىندە قالا اۋماعىندا كولەڭكەلى اينالىمنان ەداۋىر كولەمدە تاۋار تاركىلەندى. اتاپ ايتقاندا، 180 مىڭ ليتردەن استام الكوگول ونىمدەرى، 1 ميلليوننان اسا تەمەكى قورابى جانە 10 مىڭ توننادان كوپ مۇناي ونىمدەرى زاڭسىز اينالىمنان الىنعان.
تەكسەرۋ بارىسىندا الكوگول ونىمدەرى بويىنشا ليتسەنزياسىز قىزمەت كورسەتۋ جانە تاۋارعا قاتىستى ىلەسپە قۇجاتتاردىڭ بولماۋى، تەمەكى ونىمدەرىنە قاتىستى مىندەتتى ماركالاۋدىڭ جوقتىعى انىقتالعان. ال مۇناي ونىمدەرى كوبىنە ءتيىستى قۇجاتتارسىز اينالىمعا شىعارىلعانى بەلگىلى بولدى.
مەملەكەتتىك كىرىستەر دەپارتامەنتى زاڭسىز ونىمدەردى انىقتاۋ جۇمىستارى اقپاراتتىق جۇيەلەردەگى دەرەكتەردى تالداۋ ارقىلى جۇزەگە اسىرىلاتىنىن اتاپ ءوتتى. سونىمەن قاتار، قۇقىق قورعاۋ ورگاندارىمەن بىرلەسكەن رەيدتەر، سونداي-اق قالا تۇرعىندارى مەن قوعامدىق ۇيىمداردان تۇسكەن وتىنىشتەر دە ماڭىزدى ءرول اتقارادى.
مامانداردىڭ ايتۋىنشا، اكتسيزدىك تاۋارلاردىڭ زاڭسىز اينالىمى مەملەكەتكە ەكونوميكالىق زيان كەلتىرىپ قانا قويماي، ادال كاسىپكەرلەردىڭ قىزمەتىنە كەرى اسەرىن تيگىزىپ، حالىق دەنساۋلىعىنا دا قاۋىپ توندىرەدى. وسىعان بايلانىستى تۇرعىندارعا ءونىمنىڭ زاڭدىلىعىن تەكسەرۋ ءۇشىن «e-Sapa» جانە «NAQTY ONIM» ءموبيلدى قوسىمشالارىن پايدالانۋ ۇسىنىلادى.
