تۇركيا پرەزيدەنتى رەجەپ تايىپ ەردوعان ەلگە رەسمي ساپارمەن بارعان وزبەكستان پرەزيدەنتى شاۆكات ميرزيوەۆتى انكاراداعى پرەزيدەنتتىك كەشەندە رەسمي سالتاناتپەن قارسى الدى، دەپ حابارلايدى “ادىرنا”.
وزبەكستان پرەزيدەنتىنىڭ كورتەجىن كەشەنگە كىرەبەرىستە قۇرمەتتى اتتىلى قاراۋىل قارسى الىپ، پروتوكولدىق كىرەبەرىسكە دەيىن الىپ ءجۇردى. قاراۋىل تۇركيا رەسپۋبليكاسىنىڭ قۇرىلعانىنا 103 جىل تولۋىنا وراي ۇيىمداستىرىلدى.
رەسمي ءراسىم بارىسىندا ەكى ەلدىڭ مەملەكەتتىك ءانۇراندارى ورىندالىپ، تۇركى مەملەكەتتەرىنىڭ تۋلارىن ۇستاعان اسكەري قىزمەتشىلەر ساپ تۇزەدى. مەملەكەت باسشىلارى دەلەگاتسيا مۇشەلەرىن ءبىر-بىرىنە تانىستىرىپ، بىرلەسكەن فوتوعا ءتۇستى.
ساپار اياسىندا ەردوعان مەن ميرزيوەۆ تۇركيا مەن وزبەكستان اراسىنداعى جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ ءتورتىنشى وتىرىسىنا قاتىسادى. سونىمەن قاتار بىرقاتار ەكىجاقتى كەلىسىمدەرگە قول قويۋ جوسپارلانعان.
شاۆكات ميرزيوەۆتىڭ تۇركياعا ساپارى بارىسىندا حاتاي پروۆينتسياسىندا سالىنعان "وزبەكستان" تۇرعىن ءۇي كەشەنىنىڭ اشىلۋ راسىمىنە قاتىسپاق. كەشەن قۇرىلىسى 3 جىل بۇرىن تۇركيادا شامامەن 51 مىڭ ادامنىڭ قازاسىنا سوقتىرعان جويقىن ءزىلزالادان كەيىن باستالعان. قۇرىلىستى وزبەكستان تاراپى موينىنا العان.
