جاڭاوزەندە 44 جاستاعى ايەلدى پىشاقتاپ ءولتىردى دەگەن كۇدىكپەن ەر ادام ۇستالدى، دەپ حابارلايدى "ادىرنا".
وقيعا 29 قاڭتار كۇنى بولعان. 44 جاستاعى ايەل تۇرعىن ءۇيدىڭ ىشىنەن پىشاق جاراقاتىمەن تابىلعان. تەرگەۋدىڭ الدىن الا نۇسقاسىنا سايكەس، قايعىلى جاعداي وتباسىلىق جانجال كەزىندە بولعان.
ايەل جەدەل جاردەم كەلگەنگە دەيىن كوز جۇمعان. ارتىندا جەتى بالاسى قالدى، ونىڭ بەسەۋى — كامەلەتكە تولماعان.
سوتقا دەيىنگى تەرگەپ-تەكسەرۋ اياسىندا مارقۇمنىڭ جۇبايى ۇستالدى. ەر ادام ۋاقىتشا ۇستاۋ يزولياتورىنا قامالدى.
رەسمي تۇردە بۇل وقيعانىڭ ەرلى-زايىپتىلار اراسىنداعى تۇرمىستىق جانجال سالدارىنان بولعانى راستالدى. قىلمىستىق ءىس قوزعالدى. تەرگەۋ ورگاندارى وقيعانىڭ ءمان-جايىن انىقتاپ جاتىر، وزگە مالىمەتتەر ازىرگە جاريا ەتىلمەيدى.
ۇقساس جاڭالىقتار
