وزبەكستان پرەزيدەنتى شاۆكات ميرزيوەۆ مەملەكەتتىك ساپارمەن پاكىستان استاناسى يسلاماباد قالاسىنا باردى، دەپ حابارلايدى "ادىرنا" ۇلتتىق پورتالى.
پاكىستان اۋە كەڭىستىگىندە مارتەبەلى مەيماننىڭ ۇشاعىن ەلدىڭ اۋە كۇشتەرىنىڭ جويعىش ۇشاقتارى الىپ ءجۇردى.
«نۇرحان» اۋەجايىندا وزبەكستان باسشىسىن پاكىستان پرەزيدەنتى اسيف الي زارداري، پرەمەر-مينيستر شاحباز شاريف جانە باسقا دا رەسمي تۇلعالار قارسى الدى. رەسمي قارسى الۋ ءراسىمى كەزىندە ەكى ەلدىڭ مەملەكەتتىك تۋلارى كوتەرىلىپ، قۇرمەت قاراۋىلى ساپ تۇزەدى.
ساپار باعدارلاماسىنا سايكەس، پاكىستان قارۋلى كۇشتەرىنىڭ قۇرلىق اسكەرلەرىنىڭ قولباسشىسى، فەلدمارشال اسيم مۋنيرمەن، پرەمەر-مينيستر شاحباز شاريفپەن كەلىسسوزدەر وتكىزۋ جانە جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ العاشقى وتىرىسى، وزبەكس-پاكىستان بيزنەس-فورۋمى ءوتتى.
