قارجى مينيسترلىگىنىڭ «پروبلەمالىق كرەديتتەر قورى» اق باسقارماسىنىڭ بۇرىنعى توراعاسى ۇستالدى. بۇل جونىندە ۇلتتىق قاۋىپسىزدىك قىزمەتى جازدى، دەپ حابارلايدى «ادىرنا» ءتىلشىسى.
ول لاۋازىمدىق وكىلەتتىكتەرىن تەرىس پايدالاندى دەگەن كۇدىككە ىلىنگەن.
تەرگەۋ ماتەريالدارىنا سايكەس، ەكس-باسشى جەكەمەنشىك يەسىنە قورعا اۋدارىلۋعا ءتيىس كەپىل مۇلكىن ساتۋدان تۇسكەن اقشا قاراجاتىن ۇستاپ قالۋ قۇقىعىن زاڭسىز بەرىپ، مەملەكەتكە 11,4 ملرد تەڭگە كولەمىندە زالال كەلتىرگەن.
بۇدان بولەك، ول مەملەكەتتىك مۇلىكتى تومەندەتىلگەن قۇنمەن ساتقان، وسىنىڭ سالدارىنان بيۋدجەتكە 1,3 ملرد تەڭگەدەن استام قاراجات تۇسپەي قالعان.
سونداي-اق قۇجاتتاردى قولدان جاساۋ ارقىلى كەپىلگە قويىلعان جەر ۋچاسكەلەرىن ساتىپ، قورعا 800 ملن تەڭگە كولەمىندە زالال كەلتىرگەن بورىشكەر كومپانيالاردىڭ مەنشىك يەسى مەن ونىڭ سىبايلاستارى ۇستالعان.
«سوتتىڭ سانكتسياسىمەن ولار قىلمىستىق كودەكستىڭ 190 جانە 361-باپتارى بويىنشا قاماۋعا الىنىپ، مۇلىككە تىيىم سالىندى. سوتقا دەيىنگى تەرگەپ-تەكسەرۋ جۇرگىزىلۋدە. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى»،-دەلىنگەن حابارلامادا.
