ششۋچينسك قالاسىنداعى «پالاۋ ورتالىعىندا» بولعان جويقىن جارىلىستان كەيىن مەكەمە اكىمشىلىگى مەن قىزمەتكەرلەرى رەسمي مالىمدەمە جاسادى، دەپ حابارلايدى "ادىرنا" ۇلتتىق پورتالى.
ولار بەينە ءتۇسىرىپ، الەۋمەتتىك جەلىگە جۇكتەگەن.
قايعىلى وقيعا سالدارىنان جەتى ادام قازا تاۋىپ، ونداعان تۇرعىن ءتۇرلى دەڭگەيدەگى جاراقات العان ەدى. ءدامحانا وكىلدەرى قازا تاپقانداردى سوڭعى ساپارعا شىعارۋ شىعىندارىن ءوز قاراجاتىنا وتەپ، زارداپ شەككەن وتباسىلارعا جان-جاقتى قولداۋ كورسەتۋگە نيەتتى ەكەنىن ايتتى.
مەكەمە قىزمەتكەرلەرى دايىنداعان ارنايى بەينەۇندەۋدە وقيعانىڭ ورنى تولماس قاسىرەت ەكەنى، قىزمەتكەرلەردىڭ دە جاعدايدى اۋىر قابىلداپ جاتقانى اتاپ وتىلگەن.
ء«سوز دارمەنسىز بولىپ، تىنىشتىقتىڭ سالماعى كەز كەلگەن قايعىدان اۋىر تارتاتىن كۇندەر بولادى. بۇگىن ءبارىمىزدىڭ دە جۇرەگىمىز قان جىلاپ تۇر. پالاۋ ورتالىعىندا بولعان بۇل قاسىرەت جاي عانا جازىلمايتىن جارا ەمەس. ول ارقايسىمىزعا، ءاربىر وتباسى مەن ەلىمىزدىڭ ءاربىر تۇرعىنىنا اۋىر ءتيدى»، – دەلىنگەن ۇندەۋدە.
