ءانشى ديماش قۇدايبەرگەن وليمپيادا چەمپيونى ميحايل شايدوروۆقا بەرگەن ۋادەسىن ورىنداپ، سۋ جاڭا اۆتوكولىك تارتۋ ەتتى، دەپ حابارلايدى "ادىرنا" ۇلتتىق پورتالى.
بۇعان دەيىن ونەر يەسى الەۋمەتتىك جەلىدەگى پاراقشاسىندا سپورتشىعا كولىك سىيلايتىنىن مالىمدەگەن. تەمىر تۇلپاردىڭ نارىقتاعى قۇنى شامامەن 35 ميلليون تەڭگەگە باعالانادى.
مانەرلەپ سىرعاناۋدان قازاقستان ءۇشىن تاريحي التىن مەدال جەڭىپ العان سپورتشىعا ارنالعان قارا ءتۇستى كولىك ۇلتتىق ناقىشتاعى ويۋ-ورنەكتەرمەن بەزەندىرىلگەن. اۆتوكولىكتىڭ الدىڭعى جانە ءبۇيىر تۇستارىندا «ميشاباي، جەڭىسىڭ قۇتتى بولسىن!»، «قازاقستان ماقتانىشى» دەگەن جازۋلار جازىلعان.
وسىعان دەيىن ديماش قۇدايبەرگەن سپورتشىنى جەڭىسىمەن قۇتتىقتاپ، ارنايى ۆيدەوۇندەۋ جولداعان ەدى.
"قۇرمەتتى اعايىن، نە دەگەن مەرەكە، نە دەگەن توي! مۇز ۇستىندەگى قيمىلىڭ مەن ونەرىڭ تەك چەمپيون عانا ەمەس، بۇكىل جۇرتقا ءۇمىت پەن رۋح، شابىت سىيلاعان ۇلكەن ازاماتقا اينالدىردى. ەلىمىزدىڭ ساڭلاعى، مەنىڭ دوسىم، ءوزىڭنىڭ اعاڭ – حالقىمىزدىڭ وكىنىشكە قاراي، ماڭدايىنا سىيماي كەتكەن اسىل پەرزەنتى دەنيسىمىزدى جوقتاتپاي، اعاڭنىڭ الدىنداعى بورىشىڭدى، ەلىمىزدىڭ، حالقىمىزدىڭ الدىنداعى مىندەتىڭدى جوعارى دەڭگەيدە وتەدىڭ", – دەگەن بولاتىن ءانشى.
