يزرايل اۋە كۇشتەرى تەگەراندا ورنالاسقان يراننىڭ عارىش اگەنتتىگىنىڭ باستى زەرتتەۋ ورتالىعىنا سوققى جاساپ، ونى قيراتتى. بۇل تۋرالى يزرايل قورعانىس ارمياسىنىڭ (تساحال) ءباسپاسوز قىزمەتى مالىمدەدى، دەپ حابارلايدى "ادىرنا".
حابارلاماعا سايكەس، اتالعان ورتالىقتا ستراتەگيالىق زەرتحانالار ورنالاسقان. وندا ءارتۇرلى زەرتتەۋلەر جۇرگىزىلىپ، سونىڭ ىشىندە اسكەري سپۋتنيكتەردى ازىرلەۋ جۇمىستارى اتقارىلعان. بۇل سپۋتنيكتەر باقىلاۋ جۇرگىزۋ، بارلاۋ دەرەكتەرىن جيناۋ جانە تاياۋ شىعىس اۋماعىنداعى نىساندارعا سوققىنى ءدال باعىتتاۋ سياقتى مىندەتتەر ءۇشىن قولدانىلۋى مۇمكىن بولعان.
سونىمەن قاتار، سوققىلار اۋە شابۋىلىنا قارسى قورعانىس جۇيەلەرىن ءوندىرۋ جۇرگىزىلگەن بىرنەشە نىسانعا دا جاسالعانى حابارلاندى.
ۇقساس جاڭالىقتار
