تبيليسيدەگى گەيدار اليەۆ اتىنداعى ساياباق اۋماعىندا ناۋرىز مەيرامىنا وراي مەرەكەلىك ءىس-شارا ءوتتى. بۇل تۋرالى Report اگەنتتىگى جازدى، دەپ حابارلايدى «ادىرنا» ءتىلشىسى.
شارانى تبيليسي قالاسىنىڭ مەرياسى، گرۋزيا ازەربايجاندارىنىڭ اقساقالدار كەڭەسى جانە ميرزا فاتالي احۋندزادە اتىنداعى ازەربايجان مادەنيەتى مۋزەيى ۇيىمداستىرعان.
ءىس-شاراعا قالا مەرىنىڭ ورىنباسارى كاحا ابۋلادزە، ازەربايجان، قازاقستان، تۇرىكمەنستان جانە تۇركيا ەلدەرىنىڭ ەلشىلەرى، سونداي-اق گرۋزيانىڭ رەسمي وكىلدەرى قاتىسقان. ءار مەملەكەت ءوز ۇلتتىق ءداستۇرى مەن مادەنيەتىن تانىستىراتىن ارنايى كورمە-بۇرىشتارىن ۇسىنعان.
مەرەكە اياسىندا ناۋرىز وتى جاعىلىپ، سونداي-اق كونتسەرتتىك باعدارلاما وتكەن.
ايتا كەتەيىك، مۇنداي ءىس-شارالار تبيليسيدە ءۇشىنشى جىل قاتارىنان وتكىزىلىپ كەلەدى.
ۇقساس جاڭالىقتار
