تساحال يراننىڭ كاسپي تەڭىزىندەگى اسكەري-تەڭىز كۇشتەرى مەن پورت ينفراقۇرىلىمىنا سوققى جاساعانىن مالىمدەدى، دەپ حابارلايدى "ادىرنا" ۇلتتىق پورتالى.
اسكەري ۆەدومستۆونىڭ حابارلاۋىنشا، سوققىلار 19 ناۋرىزعا قاراعان ءتۇنى جاسالعان. اۋە كۇشتەرىنىڭ جويعىش ۇشاقتارى يران اسكەري فلوتىنىڭ نەگىزگى نىساندارىن نىساناعا العان.
«پورت ينفراقۇرىلىمىنداعى ونداعان اسكەري كەمە ورنالاسقان وبەكتىلەرگە سوققى بەرىلدى. ولاردىڭ قاتارىندا زىمىراندىق كەمەلەر مەن كۇزەت كاتەرلەرى بار»، – دەلىنگەن تساحال تاراتقان مالىمەتتە.
شابۋىلدار كاسپي تەڭىزى اۋماعىندا ورنالاسقان اسكەري نىساندارعا باعىتتالعان دەلىنەدى.
28 اقپاننان باستاپ يزرايل مەن اقش يران اۋماعىنداعى بىرقاتار نىساندارعا، سونىڭ ىشىندە تەگەران قالاسىنا سوققى جاساعانى حابارلانعان ەدى.
وسى وقيعاعا بايلانىستى يران پرەزيدەنتى ماسۋد پەزەشكيان ەلدىڭ ەنەرگەتيكالىق جانە ستراتەگيالىق ينفراقۇرىلىمىنا جاسالعان شابۋىلداردى قاتاڭ ايىپتادى. ونىڭ ايتۋىنشا، مۇنداي ارەكەتتەر جاعدايدى كۇردەلەندىرىپ، باقىلاۋدان تىس سالدارعا اكەلۋى مۇمكىن جانە ونىڭ اسەرى تەك ايماقپەن شەكتەلمەي، جاھاندىق دەڭگەيدە سەزىلۋى ىقتيمال.
