تانىمال امەريكالىق اكتەر چاك نورريس 86 جاسىندا ومىردەن ءوتتى. بۇل تۋرالى رەسمي حابارلاما ونىڭ وتباسىنىڭ اتىنان الەۋمەتتىك جەلىدەگى پاراقشاسىندا جاريالاندى، دەپ حابارلايدى "ادىرنا".
حابارلامادا اكتەردىڭ 19 ناۋرىز كۇنى تاڭەرتەڭ قايتىس بولعانى ايتىلدى.
«جاعدايدىڭ ءمان-جايىن قۇپيا ساقتاعىمىز كەلگەنىمەن، ونىڭ وتباسىنىڭ ورتاسىندا، تىنىش جاعدايدا بولعانىن بىلىڭىزدەر. ول الەم ءۇشىن جەكپە-جەك ونەرىنىڭ شەبەرى، اكتەر جانە كۇشتىڭ سيمۆولى بولدى. ال ءبىز ءۇشىن – ادال جار، سۇيىكتى اكە مەن اتا، كەرەمەت اعا جانە وتباسىنىڭ جۇرەگى ەدى. ول ءومىرىن سەنىممەن، ماقساتپەن جانە سۇيىكتى ادامدارىنا دەگەن ادالدىقپەن وتكىزدى. ءوز ەڭبەگى، ءتارتىبى جانە مەيىرىمدىلىگى ارقىلى ول الەمدەگى ميلليونداعان ادامدارعا شابىت بەردى»، – دەلىنگەن حابارلامادا.
وتباسى بۇل قيىن كەزەڭدە وزدەرىن مازالاماۋدى سۇرادى.
بۇعان دەيىن بۇقارالىق اقپارات قۇرالدارى اكتەردىڭ گاۆايدە اۋرۋحاناعا تۇسكەنى تۋرالى حابارلاعان ەدى.
