اقمولا وبلىسى، تسەلينوگراد اۋدانى، تالاپكەر اۋىلى ءىت مەكتەپ- ليتسەيىندە ناۋرىزناما ونكۇندىگى اياسىندا 20 ناۋرىز – «ۇلتتىق سپورت كۇنى» رەتىندە اتالىپ ءوتتى.
ۇلتتىق سپورت تۇرلەرى جاس ۇرپاقتى ەپتىلىككە، باتىلدىققا، توزىمدىلىككە تاربيەلەي وتىرىپ، ەلجاندىلىق پەن ۇلتتىق رۋحتى قالىپتاستىرۋدا ەرەكشە ءرول اتقارادى. سوندىقتان «ۇلتتىق سپورت كۇنى» – تەك جارىس پەن سايىس كۇنى عانا ەمەس، ۇلتتىق قۇندىلىقتاردى دارىپتەيتىن، سالت-ءداستۇرىمىزدى ۇلىقتايتىن تاعىلىمى مول مەرەكە. بۇل مەرەكە سالاۋاتتى ءومىر سالتىن ناسيحاتتاۋمەن قاتار، اتا-بابامىزدان ميراس بولىپ قالعان اسىل قازىنانى جاڭعىرتۋعا باعىتتالعان ماڭىزدى كۇن بولىپ تابىلادى.
وسىعان وراي، ۇلتتىق ويىنداردىڭ ماڭىزىن ارتتىرۋ، ولاردى كەڭىنەن ناسيحاتتاۋ جانە جاس بۋىن اراسىندا دامىتۋ – بارشامىزدىڭ ورتاق مىندەتىمىز بولىپ تابىلادى.قازاق حالقىنىڭ ۇلتتىق ويىندارى – تەك كوڭىل كوتەرۋ قۇرالى عانا ەمەس، ولار تاربيەلىك ءمانى تەرەڭ، دەنە شىنىقتىرۋ مەن ەپتىلىكتى، باتىلدىق پەن تاپقىرلىقتى تالاپ ەتەتىن ءداستۇرلى سپورت تۇرلەرى. مىسالى، كوكپار، بايگە، قازاقشا كۇرەس، اسىق اتۋ، توعىزقۇمالاق سىندى ويىندار جاستاردى شىدامدىلىققا، كۇشتىلىككە، وي ۇشقىرلىعىنا باۋليدى. بۇل ويىندار ارقىلى جاس ۇرپاق تەك فيزيكالىق تۇرعىدان عانا ەمەس، رۋحاني جاعىنان دا داميدى.
مەكتەبىمىزدە ۇلتتىق سپورت كۇنىنە وراي ۇلتتىق ويىنداردى دارىپتەۋ ماقساتىندا اۋقىمدى ءىس-شارا ۇيىمداستىرىلدى. بۇل كۇن وقۋشىلار ءۇشىن ەرەكشە اسەرگە تولى بولدى. شارانىڭ باستى ماقساتى – وقۋشىلاردى سالاۋاتتى ءومىر سالتىنا باۋلۋ، ۇلتتىق قۇندىلىقتاردى ناسيحاتتاۋ جانە سپورتقا دەگەن قىزىعۋشىلىعىن ارتتىرۋ.
ءىس-شارا بارىسىندا وقۋشىلار قازاق حالقىنىڭ ءداستۇرلى ويىندارىنا بەلسەنە قاتىستى. اتاپ ايتقاندا، اسىق اتۋ، توعىزقۇمالاق، قوي كوتەرۋ، قول كۇرەس، ارقان تارتۋ سياقتى ۇلتتىق ويىندار ۇيىمداستىرىلىپ، قاتىسۋشىلار ءوز باقتارىن سىنادى. ءار ويىن ەرەكشە قىزىعۋشىلىق تۋدىرىپ، كورەرمەندەردىڭ ىستىق ىقىلاسىنا بولەندى.
اسىرەسە اسىق اتۋ ويىنى وقۋشىلاردىڭ دالدىگىن، ال ارقان تارتۋ ولاردىڭ ۇيىمشىلدىعى مەن بىرلىگىن كورسەتتى. قازاقشا كۇرەستە وقۋشىلار ءوز كۇشتەرى مەن ەپتىلىكتەرىن بايقاتىپ، تارتىستى بەلدەسۋلەر وتكىزدى. بۇل ويىندار ارقىلى وقۋشىلار تەك جارىسىپ قانا قويماي، ءبىر-بىرىنە قولداۋ كورسەتىپ، دوستىق قارىم-قاتىناستى نىعايتتى.
شارا سوڭىندا جەڭىمپازدار ماراپاتتالىپ، بەلسەندى قاتىسقان وقۋشىلارعا العىس ءبىلدىرىلدى. مۇنداي ءىس-شارالار جاس ۇرپاقتىڭ ۇلتتىق رۋحىن كوتەرىپ، سالت-داستۇرگە دەگەن قۇرمەتىن ارتتىرارى ءسوزسىز.
قورىتىندىلاي كەلە، ۇلتتىق ويىندار – حالقىمىزدىڭ باعا جەتپەس مۇراسى. وسىنداي مەرەكەلىك كۇندەر ارقىلى ءبىز ۇلتتىق قۇندىلىقتاردى جاڭعىرتىپ، جاس ۇرپاققا ۇلگى بولا الامىز.
